【台慶頒獎禮】攞獎前先同心穎BB握手 馬明拎「最受歡迎電視男角色」勁興奮

更新時間 (HKT): 2018.01.22 00:06

《降魔的》喺今日台慶頒獎禮贏咗頭威,最先先拎咗個「全球網民最喜愛劇集」獎,去到差唔多頒完,馬國明再為《降魔的》贏多個「最受歡迎電視男角色」,網民咁支持佢,賽果都算係正路。

講係咁講,馬國明得獎都表現得好興奮,雙手握拳再起身拍掌,行到去女藝人座位,仲同女友黃心穎握咗下手!

馬國明得獎時話:「真係冇諗過今晚竟然會有兩個獎攞,我話一個演員一生未必會遇到自己好鍾意嘅劇本,我從影咁耐終於遇到叫做兩、三個鍾意嘅劇本。我已經唔知講咩喇,唔係……雖然今日公司話唔准多謝某啲人,不過我見咁多女artist都唔聽限奶令講,多謝Sandy、多謝杜生,我知道《降魔的》呢套劇,馬季呢個角色係畀我做。多謝樂小姐,我知道我唔係好聽話,多謝你咁多年都對我咁好,多謝珍姐,雖然我喺呢度17年就鬧足我17年,但我都多謝你。多謝公司梳頭、化妝、服裝,特別係女同事,係佢叫我講嘅頭先。其實今日係大日子,係我姪女嘅結婚。」呢個moment唔少同事大叫:「幾時到你?」馬明就話:「我唔知呀。多謝、多謝咁多位。」

黃心穎之後仲貼咗一張同馬明嘅合照上IG,仲話:「so proud of you, you earned more than this!」睇嚟心穎BB都想馬明攞埋視帝喎!

娛聞樂陪你走遍全球追星,即Like「娛果」FB 專頁!
BannerBanner