【蘋果專訪】山崎賢人恨拍王家衛電影 知道要拍幾年仲制唔制?

更新時間 (HKT): 2018.01.24 18:00
人氣男星山崎賢人接受本報專訪,透露自己是王家衞電影擁躉。

日本男星山崎賢人為亞洲娛樂頻道GEM(NOW TV 151台)同步播出嘅NTV新劇《致命之吻》來港宣傳,此行除咗首辦海外見面會,更為劇集到維港取景,又接受《蘋果》專訪,原來佢都係王家衛影迷,想可以去王家衛電影拍攝地參觀,更希望日後有機會可以同對方合作。

山崎賢人今次來港順道為《致命之吻》取景,內容交代主角旺太郎身在香港,並在白天嘅維港景色前進行拍攝,佢大讚香港好多美食,問到有甚麼地方想去?山崎賢人就話:「剛才我用手機上網睇到,得知酒店附近就是王家衞電影的拍攝地,好想到此一遊。」當記者追問有否興趣接拍王家衞電影時,佢就望有呢個機會,就算知道王大導拍一套戲隨時長達好幾年,山崎賢人依然話:「都想接拍,想拍攝以香港作為背景嘅電影。」山崎賢人從王家衞作品中看到嘅霓虹燈、後巷、行人電梯等,令佢覺得香港係個很有特色嘅地方。

談到工餘時候,山崎賢人會享受人生來減壓,例如買衫、嘆美食、踢足球,還會睡覺,熱愛足球嘅佢有八年踢波經驗,如果沒有入行,或許目前已成為一個足球員,佢亦喜歡工藝,自言發呆係強項,都希望能夠當上職人行業。第一次見海外粉絲辦見面會,賢人就透露:「我多年來一直在日本,來到香港親身接觸fans,獲得大家支持真的很開心,雖然有文化及語言上差異,但靠日劇或電影就可令到大家可以連繫。」

娛聞樂陪你走遍全球追星,即Like「娛果」FB 專頁!
BannerBanner