【棟篤特工】孖佘詩曼再戰影壇 子華神誓甩票房毒藥稱號

更新時間 (HKT): 2018.01.26 12:05

雖然今年尚未有黃子華開棟篤笑的消息,但他與好拍檔佘詩曼重戰影壇,帶來賀歲大作《棟篤特工》,兩人相隔七年再合作,繼續擦出新火花。

子華形容電影是一部香港偵探式動作喜劇電影,更無懼觀眾將其與007相比,又形容「如果你搞神怪片,你一定係用孫悟空,你無可能搵二郎神架,你實死㗎,所以你拍特工,你一定係接近007就有著數囉!」

得悉子華為電影寫了兩年劇本,問他有沒有為自己謀福利,加入與阿佘的接吻戲「為咗我哋有下一集呢,所以呢集無寫有錫嘅,同埋我真係唔係好明,係咪真係有觀眾想睇我哋錫㗎?你每人加五蚊,我即刻做㗎呢樣嘢。」引得阿佘即場大笑。

問到二人有否打算日後再合作,黃子華直言要看今次電影票房成績好壞:「我真係好坦白講,呢套戲唔成功呢‥‥‥唉!真係票房毒藥嚟㗎喎!」除了自嘲「票房毒藥」這個稱號,他又笑指恐怕以後與佘詩曼「相見如陌路」,以後出街都要掩面示人。

《棟篤特工》由黃子華及佘詩曼領銜主演,是繼《絕代商驕》相隔7年後再度合作,亦是他們在電影上的首次合作,黃子華更身兼編劇。電影集喜劇、動作、愛情與偵探四大元素,講述特務與女警互相合作查案,但過程中互不信任,繼而引發出連串笑料、不可思議事件的故事, 2月15日正式公映。

娛聞樂陪你走遍全球追星,即Like「娛果」FB 專頁!
BannerBanner