【狗仔出更】48歲張可頤陪媽媽行圓方 生鬼自拍驚變徐子珊?

更新時間 (HKT): 2018.01.27 00:00

最近先至去完英國嘅張可頤,有份參與拍攝梁朝偉、郭富城、譚耀文、周文健主演新片《風再起時》,同埋拍FOX港劇《香港華爾街》,工作精益求精。依家大台為力挽收視拉攏舊將回巢,例如林文龍、宣萱、張衞健等等,張可頤就話:「覺得多人回流拍劇係好事,觀眾咁耐冇見大家,但我就忙出面比較多。」

年屆48歲嘅張可頤,保養得宜,但熟女階段仍未遇上真命天子。佢之前接受《蘋果》訪問時話:「感情狀況未有著落,我成日覺得啱嘅男人未遇上,如果啱嘅就喺埋一齊咗啦,我又唔係專登去搵一啲錯嘅男人,係錯嘅男人嚟搵我多,啱嗰個人未出現,我嘅狀態就是如此。」

樂做自由人嘅可頤,依家享受人生,爭取時間陪家人。日前下午四、五點左右,化好晒裝嘅張可頤同埋媽媽加個工人,同行仲有一對夫婦同一個小妹妹,現身圓方超級市場,期間就邊行邊試食,張媽媽就去咗買麵包,而張可頤就負責畀錢。

買完麵包,一行人繼續喺圓方行街,不過只係window shopping,一間舖頭都冇入。行下行下就半個鐘,因為張媽媽行得比較慢,所以張可頤亦放慢腳步,享受「慢活」樂趣,最後就坐的士離開喇。

生活樂趣要自己營造,張可頤喺微博自得其樂咁自拍,玩頭髮、咪眼、嘟嘴乜都有,但推得太爆,梗係覺得好似徐子珊咁樣樣…

娛聞樂陪你走遍全球追星,即Like「娛果」FB 專頁!
BannerBanner