【量力而為呀】試過做運動做到面青青 宣萱:差啲Call白車

更新時間 (HKT): 2018.01.28 18:36
攝影:黃曉妍

宣萱、江美儀同黃浩然今日喺赤柱出席「單手掌上壓挑戰啟動禮」,宣萱帶埋愛犬到場,不過佢好擔心狗狗情況,佢話:「佢噚晚痾血,陣間活動後要去睇醫生。」

講到單手掌上壓,宣萱笑指:「教練同我講我好難做到,叫我唔使諗,但我雙手就做到,從來都冇諗過我可以做到掌上壓;我做運動都有3年,唔使開工,會一星期做兩次,鍛鍊肌肉,跌親都冇咁傷。」會唔會喺健身室認識合眼緣嘅男仔?佢話:「我唔會諗呢啲嘢,好集中做運動;不過前排化妝師話我操到好似打女咁,0依家要調節下,因為我冇興趣做打女,因為我唔夠敏捷,費事打傷人。」佢記得第一次做運動,由於身體太孱弱,竟然做到面青口唇白,教練差啲要call白車,不過運動至今已有3年,體質明顯有改善。

江美儀透露有私人飛機公司贊助佢同兩隻狗狗,搭私人飛機去日本,佢話:「兩隻狗狗要做檢疫,包括做國際晶片、打針、驗血。」

娛聞樂陪你走遍全球追星,即Like「娛果」FB 專頁!
BannerBanner