【心痛便剪一剪】被李昭南狠飛 吳浩康失戀當街喪喊

更新時間 (HKT): 2018.01.31 11:53

33歲吳浩康最近歌唱事業有啲起色,點知感情觸礁,本來同拍拖一年嘅前酒樓太子女李昭南(Michelle)感情幾好(新聞連結: http://bit.ly/2ns8P8z ),之前佢開個唱,女友都現身支持,不過今日有周刊爆二人今個月已分手,吳浩康飽受失戀之痛,上周喺中環當街爆喊,話晒男兒有淚不輕彈,睇嚟佢今次都幾傷,呢排一個人去酒吧飲悶酒。

報道又指吳浩康同Michelle成日嘈交,分手後吳浩康又唔捨得女友,雖然之前有多次衰偷食,不過近年吳浩康都想穩定落嚟,認定Michelle做結婚對象,而且已帶女友見家長,吳浩康接受周刊訪問時,佢都默認分手,未知係唔係仲想箍煲,只係話佢哋需要空間,又稱佢哋之間冇第三者,反而Michelle好有決心斬纜,直認分手之外,仲好感激吳浩康呢年幾嘅愛護,目前二人仍有聯絡,唔肯講分手原因。

Michelle選過全美華埠小姐,獲Second Princess,於美國讀書,曾經喺華盛頓政府總部實習,做過新聞節目《VA News This Week》主播,後嚟回流返香港搵工。

娛聞樂陪你走遍全球追星,即Like「娛果」FB 專頁!
BannerBanner