【隨時ready】多啲小朋友開心啲 陳凱琳話想同嘉穎生龍鳳胎

更新時間 (HKT): 2018.02.02 13:42
陳凱琳話自己係龍鳳胎,將來應可一胎搞掂。

陳凱琳、陳敏之同黃浩然噚晚係荃灣出席仁濟慈善慶功宴,陳凱琳即場就唱咗兩首歌《我的驕傲》同《終身美麗》,佢話:「平時同媽咪每個星期去派飯,有工作就冇辦法,不過知道今次仁濟請,就即刻答應。」咁同嘉穎有冇機會一齊做善事?佢話:「暫時未,但係佢助養十個小朋友,佢好錫小朋友,佢哋大個就會助養其他小朋友。」

嘩!咁第日咪要生十個?陳凱琳笑笑口話:「應該生唔到,順其自然,自己係龍鳳胎,所以第日自己有機會生,一胎搞掂。」咁會唔會再追先?「自己屋企有三個,一個屋企多小朋友開心啲,所以都可以考慮。」咁係咪計劃盡快實行,佢即刻話OK、OK。

索媽陳敏之雖然患上感冒,但係佢都着透視恤衫露BRA到場:「自己嚟之前睇咗醫生,打咗針,已經少出街,但係都中咗招,o依家要同仔隔離,戴口罩瞓覺。」同場嘅浩然都病,佢細仔又病咗,佢話:「學校俾同學傳染,係屋企觀察,4、5日,但係返學功課要追番哂,有排做,都知道流感嚴重會死,所以會小心。」

娛聞樂陪你走遍全球追星,即Like「娛果」FB 專頁!
BannerBanner