【家用又多咗?】甄子丹被爆片酬賺過億 汪詩詩:佢好多角色

更新時間 (HKT): 2018.02.03 23:30
攝影:林賓尼

第六屆「Power of Film」慈善晚宴今晚喺中環舉行,出席嘉賓包括曾演出《哈利波特》嘅男星Jamie Campbell Bower、拍過《2012》嘅黃經漢同汪詩詩等。

雖然天氣寒冷,但汪詩詩着咗件好單薄嘅貼身嘅裙。問農曆新年點過,佢話:「同圓圓、加讚及父母一齊旅行,去熱帶地方。老公(甄子丹)都會抽幾日時間同我哋一齊,因為佢要開工。」講到黃百鳴爆子丹新戲酬勞過億,咁佢家用係咪多咗?佢話:「number就唔知,我都唔知佢哋嘅合約,啲老闆唔係請我老公做演員咁簡單,仲要兼顧武指、監製、音樂同戲服,好多角色。」問子丹收入係咪歸老婆管?詩詩話:「一齊管理嘅。」

問到老公收入大增會唔會再買樓投資?詩詩話:「都好,不過maybe係電影,因為公司好多製作,好多project。」會唔會俾大女投身幕前,佢話係有天份,但作為一個事業未必會係好專業,如果個女將來想試,自己都會支持,作為媽咪最緊要個女健康同開心。

娛聞樂陪你走遍全球追星,即Like「娛果」FB 專頁!
BannerBanner