【韓流】韓國出櫃男歌手曾遭欺凌 HOLLAND患抑鬱症:每日都好想死

更新時間 (HKT): 2018.02.04 20:00
出櫃男歌手HOLLAND透露中學時曾遭欺凌,目前仍在對抗抑鬱症。

韓國出櫃男新人HOLLAND上月出道前率先公開自己同志身份,並公開以同性戀為題材嘅主打歌《Neverland》,一出道即引起關注。早前HOLLAND接受訪問時表示中學時因同志身份而遭欺凌,表示:「當時每一日都好想死。」

HOLLAND表示:「中學時就發現自己嘅性取向跟其他人唔太一樣,煩惱數十、數百次後,先確定自己係同性戀者。」HOLLAND當時選擇跟最親近嘅好友吐露心事,以為能分擔苦惱,結果之後嘅三年慘遭校園欺凌,每日遭到多次性騷擾,更透露曾被人用繩綁住佢嘅頸,於教室中被拖行幾個圈,而朋友就於旁邊笑住圍觀,彷彿唔將佢當做人,而當佢係玩具。

HOLLAND坦言:「每日都好想死,當時連一個對我表示『呢個唔係你嘅錯』嘅人都冇。」HOLLAND指自己現時仍要對抗抑鬱症、社交障礙以及各種精神創傷,不過佢仍然想要向有同樣煩惱嘅人表示:「呢個唔係你嘅問題,我哋應該要堂堂正正!」

娛聞樂陪你走遍全球追星,即Like「娛果」FB 專頁!
BannerBanner