【經歷四段失敗婚姻】出爐金球影帝加利奧文涉家暴 前妻飽受身心虐待

更新時間 (HKT): 2018.02.04 13:00
加利奧文被第三任太太數臭。

英國男星加利奧文(Gary Oldman)喺《黑暗對峙》(Darkest Hour)中出神入化嘅演技演活邱吉爾,令佢成功捧走金球影帝殊榮,更有信心贏埋奧斯卡最佳男主角,仲喺前日嘅聖芭芭拉國際電影節(Santa Barbara International Film Festival)上,獲大會頒發演技成就獎Montecito Award。

加利奧文已經歷過四段失敗婚姻,五度結婚嘅佢同現任太太Gisele Schmidt十分恩愛,不過近日加利奧文被前妻Donya Fiorentino公開數臭,受訪時直指曾被前夫身心虐待。

模特兒出身嘅Donya Fiorentino係加利奧文第三任妻子,據英國《太陽報》報道指,兩人於1997年結婚,在婚後四年間,Donya被加利在精神及肉體上進行虐待,Donya喊住受訪話:「他搶走我的小朋友,更摧毀了我的人生。」Donya揚言好希望自己兒子同全世界都知道真相,佢透露結婚初時本來相當恩愛,直至懷有第二胎時患上類風濕性關節炎(Rheumatoid arthritis),但加利未有體諒,還不斷責怪Donya,又指Donya貪錢及為名利才嫁佢,女方呢個時候開始沉迷藥物,2001年雙方為囝囝撫養權鬧上法庭,Donya在當時嘅法庭文件上指摘加利採用暴力,稱曾試圖打電話報警,不過被加利制止,並用電話聽筒襲擊傷及面部。

娛聞樂陪你走遍全球追星,即Like「娛果」FB 專頁!
BannerBanner