【美腿誘人】龔嘉欣晒「少婦同盟」床照:喜歡分享快樂

更新時間 (HKT): 2018.02.09 14:22

「人生得一知己,死而無憾」,細數圈中,就有好多閨中好友喇,好似胡杏兒同胡定欣、姚子羚、黃智雯等人組成嘅「胡說八道會」、佘詩曼與湯盈盈、梁靖琪、姚樂怡、鍾麗淇等組成嘅「七魔女」、鍾嘉欣同李亞男、岑麗香、苟芸慧等組成嘅「Amazing Esther」,仲有就係龔嘉欣同陳凱琳、譚凱琪、沈卓盈嘅「少婦同盟」,佢哋呢班閨蜜,不時都會有聚會,傾吓心事之外,仲鍾意約埋一齊影吓靚相,放喺社交網到同大家分享。

今日龔嘉欣又喺ig到貼咗一張佢同「少婦同盟」嘅床照,見到佢哋4個瞓喺床上,大騷長腿,姿勢性感誘人,嘉欣就留言話:「閏蜜,喜歡分享快樂,就算有甚麼不快事,也就你撐着我,我撐着你 #lastepisode #thelittlewifeclub #少婦聯盟」。

嘉欣咁興奮大晒美腿床照,佢今日回應傳媒話:「今日喺《平安谷》大結局,我哋真係好唔捨得,套劇咁快就完,雖然我哋4個都會keep住見面,keep住會聚嘅,咁就一定冇呢段時間(宣傳),大家見得我哋咁多囉!」

而其實之前阿佘同「七魔女」去年都影過一輯騷美腿靚相,以慶祝佢哋相識十周年,睇到人想入非非,流晒口水。(新聞連結: http://bit.ly/2lBUI1J )

娛聞樂陪你走遍全球追星,即Like「娛果」FB 專頁!
BannerBanner