【疑明爭暗鬥?】迪麗熱巴離隊 Angelababy大方:小迪我們不說再見

更新時間 (HKT): 2018.02.12 11:36

大陸《奔跑吧》去到第六季,之前講係鄧超、陳赫、迪麗熱巴、Angelababy、李晨、鄭愷、王祖藍及鹿晗原班人馬不變,不過迪麗熱巴噚日流淚宣佈離隊,由於「工作檔期衝突」,遺憾唔可以再奔跑,感謝「奔跑family」一直以嚟對佢嘅照顧。

迪麗熱巴係第五季先加入,代替當時佗B嘅Baby,早前Baby返去再錄,網民已擔心迪麗熱巴要走,後嚟都有得留低,不過有大陸報道指Baby同迪麗熱巴拍攝時,鏡頭前係「巴比組合」,其實二人疑明爭暗鬥,迪麗熱巴因Baby而選擇離開,唔少熱巴fans喺微博攻擊Baby,令雙方fans爆罵戰。

不過Baby仍大方於微博留言:「小迪我們不說再見,永遠歡迎你回家️we are伐木累!」有網民回覆「你不挺高興的麼」、「我看你巴不得熱巴走呢」、「8個人一起跑不是挺好的,結果弄成這樣」,另有一些網民反擊「你怎麼知道baby高興,別你自己這麼壞把別人也想成這樣」、「本來她就是代班,現在人回來了,不該走嗎」、「她們兩個也是很好的一對閨密」,此外,有fans認為迪麗熱巴離隊唔係關Baby事,佢暫時唔錄綜藝節目,係因為迪麗熱巴冇忘記過自己係一名演員,「安心拍戲,努力提升演技才是最重要」。

娛聞樂陪你走遍全球追星,即Like「娛果」FB 專頁!
BannerBanner