【挑戰夏蕙姨】蒼井空cosplay賀狗年大吉 三上悠亞旗袍拜年

黃夏蕙每年都cosplay唔同生肖造型送驚喜，今年佢都唔例外化身狗狗吉祥物去黃大仙廟霸頭位等上頭炷香。香港有夏蕙姨，日本都有個蒼井空每年以不同生肖扮相向粉絲賀新年，月前驚爆成為人妻嘅佢，早前都扮狗拍定輯靚相配合狗年，更在微博越洋拜年。

蒼老師就算退出AV界仍深得廣大男士歡迎，新婚嘅佢趁住踏入狗年一刻立即在微博Po新相，既扮成可愛狗狗，又用app變身人狗合體祝粉絲：「2018年新年快樂。狗年大吉！萬事如意！心想事成！事業順利！恭喜發財！身體健康！」蒼老師仲話好想去中國睇煙花、爆竹。

至於AV界後起之秀三上悠亞，近年都接捧成為亞洲級性感女神，佢喺Instagram上載出席活動嘅旗袍及韓服造型照，向中韓粉絲賀狗年來臨。