【韓流】高志溶偶像組合出身 3歲昇材識唱老竇舊歌?

更新時間 (HKT): 2018.02.18 18:00

韓國人氣育兒節目《超人回來了》今日未有受平昌冬奧影響,繼續如常播出,當中除咗播出大發BB同國腳老竇李同國行傳統市場被大媽圍住合照嘅內容外,節目亦播出另一節目人氣王高昇材(前譯:高勝載)喺街頭隨機唱出老竇高志溶以前嘅歌曲嘅內容,令觀眾大呼感動。

現年37歲嘅高志溶係元祖男團水晶男孩嘅一員,不過2000年組合解散後,高志溶就退出演藝圈,就算組合前年重組,高志溶亦因為事業並冇參加,令水晶男孩改組成5人組合,粉絲雖感到可惜,但仍尊重其意願。

而今日《超人回來了》播出嘅內容中,高志溶攜3歲囝囝昇材外出時遇上街頭藝人,當街頭藝人認出昇材後,就問昇材識唔識爸爸嘅歌,昇材坦言話識,高志溶都唔多相信,直到昇材唱出水晶男孩名曲《Couple》時令佢勁感觸。

娛聞樂陪你走遍全球追星,即Like「娛果」FB 專頁!
BannerBanner