【同仙姐係鄰居】53歲關詠荷素顏仲省鏡 囡囡亭亭玉立似邊個?

更新時間 (HKT): 2018.02.18 12:03

粵劇名伶白雪仙向來都德高望重,每逢新年都有唔少後輩到佢屋企拜年。今年農曆年,資深傳媒人汪曼玲就去咗仙姐屋企拜年,同場仲有張家輝一家三口、陳寶珠同囝囝楊天經及新抱,真係好熱鬧呀!

汪曼玲噚日喺社交網上載咗幾張合照,留言﹕「張家輝與仙姐住樓上樓下,初一,一家三口到仙姐家拜年。」原來家輝同仙姐係鄰居,仙姐見到影帝家輝都好開心,即時攬攬。不過,最令人讚嘆嘅係53歲嘅關詠荷,住樓上樓下真係唔使化妝,原來佢素顏個樣依然好省鏡,影大合照時仲好sweet咁挨落老公家輝個膊頭度,真係一對好恩愛嘅夫妻。而家輝同關詠荷嘅囡囡張童今年已經12歲,長得亭亭玉立,個樣似足爸爸同媽媽嘅混合體,越大越靚女。

而寶珠姐仲跪地向師傅仙姐斟茶,仙姐就俾番兩封大利是寶珠,大家都開心笑到四萬咁口。

娛聞樂陪你走遍全球追星,即Like「娛果」FB 專頁!
BannerBanner