【宣揚不棄養】投資寵物遊樂場「超人之母」羅子喬:動物係人類嘅好好朋友

更新時間 (HKT): 2018.02.19 18:20

踏入狗年,「超人之母」羅子喬(Bella)有一個新目標除咗做好超人之母呢個角色,喺亞洲同大陸做巡迴演出之外,三月中,佢喺台北有份投資嘅第一個室內外寵物遊樂場會開幕,Bella話:「其實籌備已經有一段時間,希望趕喺新年後可以成功開幕,除咗可以俾主人同愛犬有足夠的空間一齊玩一齊食,同時可以幫助有需要嘅動物。期望呢個遊樂場喺未來可以有影響力,參與社會公益,宣揚愛,珍惜生命,不棄養等有關訊息。」

Bella話好多年前已經有呢個想法,只係等緊機會同儲夠錢去行動:「因為我曾經有過一段好唔愉快嘅日子,幸好有自己嘅寵物陪伴渡過,動物真係人類嘅好好朋友,我希望唔單止做嘢,連生活中都可以同佢哋一齊度過,而我好幸運,今次得到兩個人支持,就是我入行嘅第一個經理人Caren同埋o依家嘅老闆Barry Lau,我哋一齊同建立呢個項目,可以投資參與感到非常開心。」

為咗呢個寵物遊樂場,Bella專程去學點樣訓練狗,佢仲打算訓練一隻puppy雪撬犬,之後仲想喺網上開channel分享佢點樣同唔同嘅狗相處同聯繫,希望可以匯集台灣狗友,宣揚愛犬精神。雖然Bella開始發展自己個人事業,但係冇諗過放棄演藝工作,遲啲計劃去美國進修演藝課程,提升自己嘅演技:「我希望喺生活中學習,豐盛自己生命,等待一個更好嘅角色。」

娛聞樂陪你走遍全球追星,即Like「娛果」FB 專頁!
BannerBanner