【fb過3萬like】馮盈盈大騷事業線:賣廣告是常識吧

更新時間 (HKT): 2018.02.20 20:53

【新增影片】

今日大年初五,歡樂嘅時光過得特別快,好多打工仔今日都要返工,港姐馮盈盈唔知係咪知道大家又要辛勞,今日凌晨就喺ig大派福利,見佢着住三點式,好歎咁瞓喺泳池到hea,佢仲hashtag留言話自己初六,即係聽日先開工喎,大家係咪好羨慕呢!

盈盈今日凌晨喺ig晒三點式泳照,佢留言話:「休息了幾天,也沉澱了幾天,回顧舊年,是我入行的第一年,太感恩得到各位的愛和支持,讓我在你們的見證下,從不同的機會和歷練中成長過來。」之後佢再話,自己發現到facebook已超過3萬個like:「這雖然不是一個大數字,但對我來說意義重大,每一個like都是對我的一份肯定,鼓勵我繼續努力,讓我感覺像被恩典包圍,浸淫之中,新年新開始,要提醒自己保持熱誠和拼勁,做好所有工作,把握所有機會,不可以鬆懈疏忽,要鞭策自己不斷進步,也要尋求突破,Nothing will bring you greater peace than minding your own business」。

見到盈盈好感性咁回顧過去一年嘅成績,但之後佢就好鬼馬以hashtags開下玩笑,佢話:「#caption正經 #hashtags就亂來 #本身年初四咁嘅樣 #即係假又放完錢又洗曬工又要番(返) #點會好樣呢 #原來我初六先復工 #個樣立即變得咁歎 #得咗#最後賣廣告是常識吧 #未like我FacebookPage嘅朋友就快d去Like #linkinbio #Thankyouall」,有網民見到盈盈大騷事業線,心心眼之餘,亦好擔心大台嘅「限奶令」,就留言問佢:「你不怕被照肺嗎?不過好靚」。

娛聞樂陪你走遍全球追星,即Like「娛果」FB 專頁!
BannerBanner