【真漢子】城城履行1994年承諾全民派利是:我找數!

更新時間 (HKT): 2018.02.20 15:58

「我找數!」

冇錯,城城郭富城宣佈,佢找數!

由1994年等到依家,等到喇!

今日城城到海港城出席狗年新春活動,身穿藍色唐裝衫、戴住藍色太眼鏡風騷現身,笑到四萬咁口,開開心心大派做咗人夫之後嘅利是。一講到94年嘅承諾,城城話佢都有睇條片,眼神有啲唏噓咁話:「廿幾年前喇!其實嗰陣時我真係一個小朋友,咁但係到依家成家立室,係一個大人啦!我找數!」

嘩!

「但係有一個問題係,你唔可能叫我逐家逐戶咁派利是,係冇可能發生嘅事,依家我有一個方法,咁呢封利是呢,我會集埋一封,集合全港市民嘅利是捐出去,希望分享呢個福氣,代表全香港市民,去傳承落去,好唔好呀?希望呢個福氣,可以更多人去受惠。」而受惠機構,就係聯合國兒童基金會。

多謝城城!

娛聞樂陪你走遍全球追星,即Like「娛果」FB 專頁!
BannerBanner