【So Amazing】周董技癢變魔術 昆凌驚訝:記得把牌還給小孩啊

更新時間 (HKT): 2018.02.22 12:53

周杰倫(周董)一向都好熱愛魔術,周不時都會露一手,玩吓魔術O氹吓身邊朋友,之前佢到大陸出席央視演唱《告白汽球》時,就同魔術師蔡威澤合作咗一場魔術騷,令人大開眼界。

今日周董老婆就喺FB分享咗佢同周董閑逛美術館時,突然技癢表演魔術嘅一段影片。影片中見到周董突然走向一幅名畫,見到畫中一名小孩手上拎住一張「階磚A」,周董就好不經意走埋去,隔空就變拎咗小孩手上嘅階磚A出嚟,精湛嘅手法,令到昆凌都驚嘆:「Your full of surprises!記得把牌還給小孩啊!」

好多網民睇完周董嘅表演都不禁留言大讚「好厲害!深藏不露!」、「 我重複看了好幾次,太酷了」、「小孩要從畫裡跳出來拿回牌了喇!」

娛聞樂陪你走遍全球追星,即Like「娛果」FB 專頁!
BannerBanner