【好兄弟】黃浩然老婆整定鮑魚花膠 曹永廉:未有機會食

更新時間 (HKT): 2018.02.24 13:07

今日曹永廉同黃浩然一齊出席一個活動,因為活動喺郵輪上舉行,現場嘅雨越落越大,不過兩位都好專業,冒住雨都照做活動,仲互相餵對方食嘢。

訪問嘅時候,黃浩然就話曹永廉最近好紅,所以係貴人出門招風雨,曹永廉就話:「其實都OK嘅。」黃浩然即話:「你個人誠實啲啦,明明就係好大雨。」今次係佢哋兩個第一次單獨做活動,因為冇咗蕭正楠同黎耀祥,佢哋就話:「佢哋上晒岸喇,希望我哋呢個組合可以拍多啲廣告。」

問到佢哋兩個可以拍咩廣告,曹永廉就話:「唱歌囉,黃浩然就好期待佢可以做啲咩,佢都可以唱歌嘅,聽佢唱歌都係一番滋味。」黃浩然就笑住話:「其實男、女性嘅用品都可以。」

曹永廉同黃浩然兩個新年都係去咗拜年,曹永廉有少少唔舒服:「浩然老婆好好啊,準備咗啲花膠同鮑魚畀我哋食,不過都未有機會食。」黃浩然就話:「我老婆知我今日見到阿廉,都畀咗啲醉雞翼同鮑魚佢。」

娛聞樂陪你走遍全球追星,即Like「娛果」FB 專頁!
BannerBanner