【韓流】18歲金裕貞健康亮紅燈 甲狀腺異常急停工

更新時間 (HKT): 2018.02.26 11:08

韓劇《雲畫的月光》嘅18歲女星金裕貞健康又再亮紅燈,原先已投入新劇《先熱情的打掃吧》拍攝工作嘅金裕貞,根據韓媒報道,佢近日因健康問題到醫院檢查,並診斷要進行甲狀腺手術。

因為手術後要等身體狀況回復,將會有幾個月時間唔可以活動,令到原本已投入新劇《先熱情的打掃吧》嘅金裕貞亦有幾個月時間唔可以開工,據知金裕貞與同劇嘅宋再臨、安孝燮等已進行劇本排練及部份拍攝工作,劇集亦預計4月播出,現時劇組將等金裕貞情況回復正常才繼續拍攝。

事實上,前年金裕貞宣傳新片《因為愛》時亦因被網民炮轟佢態度唔好而受壓,令曾因過勞到急症室吊鹽水嘅金裕貞病況加劇,更因壓力性休克而入院。

隨後金裕貞所屬事務所回應表示:「金裕貞嘅甲狀腺機能出現異常,出現虛脫、體力下降等症狀,但未到要做手術嘅階段。由於健康問題,有關電視劇嘅拍攝需要進一步討論。」

娛聞樂陪你走遍全球追星,即Like「娛果」FB 專頁!
BannerBanner