【巨星背後壓力】舞台劇扮演梅姐 劉雅麗:覺得可以擦出新火花

更新時間 (HKT): 2018.03.01 17:28
劉雅麗話七月演舞台劇,將扮演梅姐。

劉雅麗今日到商台宣傳下月初喺伊館舉行演唱會,今次同陳秀雯、蔡楓華同葉振棠等合作,當中蔡楓華更是首次見面。同攪手楊紹雄係多年朋友,今次對方將《萬家燈火》同《真情》串連埋一齊唱,佢大讚有新鮮感。

演出首埸剛好係張國榮死忌,佢話:「嗰日我會唱《儂本多情》,我從來未唱過,喺呢個日子唱會特別有意義。」除咗參與楊紹雄搞嘅演唱會,劉雅麗話7月亦會參與對方製作嘅舞台劇,屆時會同譚偉權一齊演出,二人分別飾演張國榮同梅艷芳,內容講巨星背後壓力,而吸引佢演出嘅原因係劇中有一半梅姐嘅歌未唱過,令佢覺得可以擦出新火花。

娛聞樂陪你走遍全球追星,即Like「娛果」FB 專頁!
BannerBanner