【辛苦晒!】畀監製話著高踭鞋行得唔靚 朱智賢喺屋企都要照着

更新時間 (HKT): 2018.03.03 16:53

陳婉衡(Alycia)、朱智賢(Ashley)、譚嘉儀同李旻芳等,今日到旺角出席一個美容品牌「美莊園」嘅開張活動,位位都盛裝出席,問到今次活動酬勞係咪相當滿意?Alycia話:「好滿意,我仲睇中咗佢哋骨膠原同脂肪轉移嘅Treatment,我開始覺得自己呢個年紀好需要。」貴為大台「咪神」嘅Alycia都要脂肪轉移?佢話:「因為今年冬天好凍,食咗好多嘢而且又無點做運動,肥咗成十磅,嚟緊就快夏天好需要快啲減返磅。」

Alycia話好希望趁夏天前去旅行曬太陽,曬返一身古銅色肌膚,因為覺得自己依家膚色太白,又稱早前到日本北海道拍完《三日兩夜》 ,佢話:「因為當地好凍得零下十度,所以拍攝內容都係滑雪同埋浸溫泉。」

而Ashley就話嚟緊即將要開拍新劇,劇中需要經常著住高踭鞋,佢話:「但我畀監製話我著高踭鞋行得唔靚,所以呢排特登攞咗對高踭鞋返屋企練習,直情連沖完涼吹頭都會著住對高踭鞋,希望盡快練得自然。」

娛聞樂陪你走遍全球追星,即Like「娛果」FB 專頁!
BannerBanner