【又突破限奶令】張秀文睡袍密封34D咪咪 有咩好睇?

更新時間 (HKT): 2018.03.05 19:17

憑住34D驕人上圍而成為新一代咪神嘅張秀文,今日喺西貢拍攝內衣廣告,話晒張秀文一向都唔吝嗇晒身材,所以大家都好期望今次佢又會有啲乜嘢突破,點知去到現場見到佢好鬼錫身,只係穿上睡袍見傳媒,完全埋沒咗佢嘅好身材,著內衣嘅重任就交咗俾人型模特兒公仔!

張秀文話喺廣告中會著唔同嘅內衣上陣,全部都係健康嘅性感,又叫大家唔好介意有冇事業線,之不過大台之前出咗限奶令,但係另一方面又解放俾藝人搵錢,似乎有啲自相矛盾喎,張秀文就話:「有問准公司,了解咗個故事,我頭先都睇過拍攝效果好滿意,似小精靈,感覺好有少女心。」

講到揀內衣,張秀文話佢會著重功能同款式兩者並存:「款式係自己興趣,功能就係因為入行後要配合著唔同衣服,特別喜愛少女形同粉色系列,大過咗就會有唔同style,覺得喱士可以提升我嘅女人味。」佢仲話自己好鍾意喺屋企換上不同內衣試上身,咁男朋友咪睇得好開心?佢話:「咁o依家我喺屋企少咗做呢樣嘢,只係得閒屋企執吓櫃桶,摺好啲內衣。」佢又話唔鍾意著箍得太緊嘅內衣,大笑時會好辛苦,試過因勒得太緊搞到抽筋。

娛聞樂陪你走遍全球追星,即Like「娛果」FB 專頁!
BannerBanner