【奧斯卡】加利奧文再下一城 演邱吉爾首封金像影帝

更新時間 (HKT): 2018.03.05 12:20

今屆奧斯卡最佳男主角由《黑暗對峙》(Darkest Hour)嘅加利奧文(Gary Oldman)奪得,由於扮演前英國首相邱吉爾實在令人眼前一亮,今次大熱勝出當然毫無疑問,加利奧文早前在金球獎上已揮低一眾對手成功封帝,今次再次鍊贏22歲影壇新貴添麥菲查洛美(Timothee Chalamet)、已經息影嘅丹尼爾戴路易斯(Daniel Day-Lewis),以及黑人男星丹素華盛頓(Denzel Washington)同埋丹尼爾卡魯亞(Daniel Kaluuya)。

珍芳達同海倫美雲(Helen Mirren)頒發最佳男主角。加利奧文領獎時說:「好多謝大會。我在美國住了一段很長時間,找到好好的友誼,好多好好的禮物,搵到自己嘅家,自己嘅生活同家人。可以拍電影,係我嘅夢想成真。」加利奧文特別向邱吉爾致敬,亦多謝妻子一直在其身邊,更打趣謂:「我知道呢篇致辭好長,令我贏唔到水上電單車。我媽媽就嚟99歲生日,好多謝佢嘅愛同支持。我依家帶個奧斯卡獎返嚟喇。」台下報以熱烈掌聲。

娛聞樂陪你走遍全球追星,即Like「娛果」FB 專頁!
BannerBanner