【林奕匡結婚】黃心美爆心穎有機19年閃婚 龔嘉欣為搶花球而嚟

更新時間 (HKT): 2018.03.06 20:06

龔嘉欣、黃心美、JW同男友、Aka、蘇麗珊今晚就出席林奕匡嘅婚禮,龔嘉欣大讚佢哋兩個拍拖嗰時,已經好恩愛,一早睇睇好佢哋兩個會結婚,問到送咩禮畀一對新人,龔嘉欣就送現金最實際。又話今晚係為咗搶花球而嚟,因為佢哋喺加拿大嘅婚禮冇呢個環節,但好似聽講到係預定花球畀馮允謙女朋友,龔嘉欣就話:「我聽過係第二個喎,不過唔緊要啦,我都接過兩次。」

黃心美就同埋二妹一家一齊嚟到,佢話同林奕匡喺溫哥華已經識,講到有報道指今年佢哋屋企會有喜事,佢就話:「其實今年會嫁嘅係三妹黃心慧,馬明同心穎應該冇咁快。等佢哋順其自然,不過有相士就話佢哋2019年會閃婚。」講到自己會唔會有機會閃婚,佢就話其實結婚係要一下嘅衝動,仲話自己上次結婚都係嗰一下衝動,下次都會係,又表示男友都未求婚。

娛聞樂陪你走遍全球追星,即Like「娛果」FB 專頁!
BannerBanner