【步胡定欣後塵?】姚子羚夥胡說八道公開迫婚 擺的士邦上枱…

更新時間 (HKT): 2018.03.07 13:15

「阿邦,唔好怪我。」阿邦,係指的士邦——姚子羚男友、身家過億兼有過百部的士嘅的士邦鄭子邦。

去年胡說八道會一眾成員拉隊出埠為無綫拍旅遊節目《胡說八道真情假期》,又喊又笑好不感人,其中一集仲搞咗場大龍鳳,話胡杏兒睇中咗一個地方,好適合姚子羚同阿邦舉行婚禮,場大龍鳳仲出埋阿邦個mask,令步入教堂嘅姚子羚相當之「驚喜」。李施嬅仲扮姚爸爸,同「阿邦」講:「我依家將個女交俾你,你幫我好好咁照顧佢。唔好令我失望。要令到佢開心,起居飲食都要照顧佢,帶佢去多啲旅行。」說時姚子羚已經感動到哭笑不得。

咁輪到姚子羚,就當然係say yes啦!

的士邦唔係圈中人,佢回覆周刊求證問佢係咪同姚子羚分手,佢都係答「我唔係呢行」、「我唔係呢行」。呢場迫婚大行動,係咪玩大鳥?

前年胡定欣同音樂人Terry分手,不少報道都話係因為女方迫婚,又話佢同豹嫂去英國旅行散心,十足今次姚子羚約龔嘉欣去日本散心咁。當時胡定欣就表示自己係冇迫婚,並大方謂:「雖然我係到咗適婚年齡,但婚姻從來都冇得迫,我亦從來冇迫過任何人。」

娛聞樂陪你走遍全球追星,即Like「娛果」FB 專頁!
BannerBanner