【最多產AV男優教路】38歲清水健自製「壯陽便當」 話你知有乜材料

更新時間 (HKT): 2018.03.12 09:00

日本資深AV男優清水健出道20年,佢計過以往合作嘅女拍檔達一萬個咁多,稱得上係目前最多產嘅愛情動作片男星。38歲嘅清水健不嬲好注重鍛鍊身體,除有做運動外,飲食對佢都相當重要,所以開工前都會自己準備「壯陽便當」,望到拍攝現場都保持精力充沛。

清水健受訪時分享心得,佢指如果男性肥胖的話會導致勃起力下降,佢話:「30歲到40歲這段期間勃起力會開始下降,但是比起年齡變大,肥胖的影響會比較大。」清水健自言都好容易肥,理由係跟一般上班族一樣,慣性在晚上外出食飯,包括收工後會去食燒烤、拉麵等等,所以平時控制飲食外更要注重肌肉鍛鍊,讓兩者取得均衡。清水健表示平時都有計算蛋白質、碳水化合物、脂肪嘅攝取量,所以佢都會準備「壯陽便當」在拍攝時進食,佢仲話:「帶去攝影現場的便當,是我精力跟性慾的泉源。」至於便當內咩材料?清水健打開便當,裡面有西蘭花、紅蘿蔔、波菜、秋葵、蕃茄、南瓜,有時會再加冬菇、淮山或雞胸肉等,清水健補充:「蔬菜與冬菇有身體必須的維他命、礦物質、食物纖維,雞肉則是高蛋白低脂肪,淮山能夠刺激荷爾蒙,以上都是可以增加勃起力的食材。」不過清水健自爆唔太擅長煮飯,所以通常只買急凍食品或已經切好嘅蔬菜來做便當。

娛聞樂陪你走遍全球追星,即Like「娛果」FB 專頁!
BannerBanner