【真人都係咁】黃浩然禁囝囝追新劇 「小狼女」馮盈盈睥出位

更新時間 (HKT): 2018.03.14 17:32

岑麗香、黃浩然、馮盈盈同陳煒等今日去將軍澳某小學為上星期啟播嘅新劇宣傳造勢,大派蘋果。憑住喺劇中因被人問價而黑口黑面,演技獲得網民勁like,馮盈盈話自己同劇中「小狼女」角色,同現實中自己鬧男友時「睥」住對方時有啲似,笑言呢個眼神一下唔小心用埋喺另一套佢飾演醫生嘅新劇中,佢話會小心啲,免得啲觀眾會誤會。

至於香香提到自己有集同黃浩然鬧交嘅戲,自己用咗幾個月時間嚟背讀白,之後佢教番黃浩然講英文。提到今日係白色情人節,香香同老公都唔係太重視節目,即使老公強強噚日生日都冇特別慶祝。黃浩然講到劇集開播一星期,跨平台收視達28.1而讚好,黃浩然仲話大仔好鍾意生果,應該會鍾意睇呢套劇,不過咁啱個仔要考試溫書,所以暫時唔俾對方睇電視住。

娛聞樂陪你走遍全球追星,即Like「娛果」FB 專頁!
BannerBanner