【唔好轉發數字密碼】騙徒手法又嚟 !陳爽張新悅WhatsApp齊中招

更新時間 (HKT): 2018.03.15 15:20

科技呢啲嘢有時係幾方便,不過有時遇上騙徒真係幾麻煩!

陳爽現時身在成都,今午發現WhatsApp被騙徒入侵,不停向其手機電話簿中嘅朋友發whatsapp訊息,要求對方替她到7仔買點數卡,不過由於開場白太老套,陳爽嘅大部朋友都冇中招,唔少朋友打電話通知陳爽。

之但係目前大肚嘅張新悅,以為朋友有事,竟然照住騙徒指示去做,騙徒扮「陳爽」send咗一個六位數字密碼俾張新悅,叫張新悅轉發一次呢個六位數字嘅密碼回覆就得,之後張新悅個WhatsApp剛剛被hack,開始轉發一啲「買點數卡」同「問人借錢」嘅訊息俾自己啲朋友。

陳爽接受《蘋果》電話訪問,就話:「我知我電話俾人hack咗,我o依家控制唔到我個WhatsApp,我今日11點幾收到老公好急咁揾我嘅電話,話我個電話俾人hack,提我要話俾朋友知我個電話俾人hack咗,之後陸續有朋友打嚟,因為佢哋分別收到唔同人WhatsApp,有啲係叫朋友代佢去7仔買card,有啲話『我要錢』。」

陳爽承認自己疏忽,噚日收到一個好耐冇見嘅朋友WhatsApp,叫我幫佢收一個密碼,因為好緊要,佢又係咁催我,我就俾咗訊息顯示嘅密碼俾佢,咁就中咗招,「其實朋友個電話都俾人hack咗。我o依家要等幾個鐘先可以攞到WhatsApp個新密碼,所以o依家都透過facebook同WeChat通知朋友,希望其他人冇中招,如果唔係,我都唔好意思」。

其後,張新悅喺fb留言指要報警"That hacker is Whatapp contacting all my contacts. Please protect yourself.I’m going to the police now. Sorry if he/she has contacted you already."

娛聞樂陪你走遍全球追星,即Like「娛果」FB 專頁!
BannerBanner