【演李天翔大佬】同江嘉敏拍感情戲 黄嘉樂:似「天若有情」式

更新時間 (HKT): 2018.03.16 16:12

黄嘉樂今日去新城接受訪問,嚟緊喺大台劇集《果欄中的江湖大嫂》近尾聲出埸,會飾演江湖大佬,兼同江嘉敏有感情線,佢形容同江嘉敏感情戲似「天若有情」式,亦冇太激情慾鏡頭,但當初接到劇本知道要演李天翔大佬時,一向童顏嘅佢決定留鬚去演,令觀感上有說服性。

喺另一套劇演腦科醫生,佢坦言比一堆醫學名詞考起,佢話:「嗰啲專業醫學名詞發音唔易,我事前已經揾英文好叻朋友教我讀,但拍嘅時候都拜託傅嘉莉聽吓,如果發覺唔流暢就提我。」今年工作量開始增加,暫時劇接劇拍,問到佢幾時同女友計劃拉埋天窗?黄嘉樂話:「希望工作再穩定啲,會盡快去做,年紀都唔細,但男人諗結婚係會想照顧到對方,但我暫時未有能力。」

娛聞樂陪你走遍全球追星,即Like「娛果」FB 專頁!
BannerBanner