【導演會晚宴】MC Jin rap住助慶 劉美君爆靠電影主題曲先有人簽

更新時間 (HKT): 2018.03.18 20:01
(攝影:陳慧安)

【新增內容】

香港電影導演會今晚舉行周年晚宴暨頒獎典禮,會上將會頒發新晉導演、最佳新演員、榮譽大獎、最佳男、女主角、最佳電影、最佳導演及傑出專業貢獻獎。

晚宴開始時,由劉美君唱《愛的根源》,MC Jin以好多香港電影名同角色rap出香港電影故事,包括《警察故事》、《無間道》、《賭神》、《一代宗師》等等,劉美君話自己係因為唱電影主題曲先有人簽,跟住獻唱《午夜情》,之後同MC Jin一齊rap。

第17屆執委會會長劉偉強表示有政府資助可以開導演大師班,為期半年。佢話:「佢哋有導演知識嘅,然後揀三分之二會贊助10萬蚊拍微電影,再畀啲劇情片佢哋拍,由我哋呢啲導演做監製。今年好多新導演,翁子光、黃修平、黃進、羅耀輝、陳國輝等等我喺佢哋身上學到好多嘢,見到佢哋追求電影嘅夢。最近上咗兩套電影《大樂師.為愛配樂》同埋《藍天白雲》,我知道佢哋冇乜錢去宣傳,但用盡奶力去宣傳,我覺得好感慨。」之後又多謝各個贊助商。

娛聞樂陪你走遍全球追星,即Like「娛果」FB 專頁!
BannerBanner