【方力申係男神】又傳做第三者 陳瀅嬲豬唔鍾意俾人咁講

更新時間 (HKT): 2018.03.18 14:40

陳瀅今早都有喺香港仔參予「第六屆揹水一戰」起步禮,佢透露同4位朋友一齊參加,問到有冇緋聞男友羅天宇份?佢即刻話:「唔好咁講,我哋本身都係朋友,唔係好鍾意俾人咁講。」

有傳羅天宇同湯洛雯分手後轉冧陳瀅,陳瀅否認:「冇咁嘅事,可能我哋上年拍劇演情侶,先有位俾人寫。」對羅天宇有冇feel?佢斬釘截鐵表示冇feel,仲強調自己係單身,心目中男神係小方。

怕被誤會而劃清界線?佢話:「我哋3個都係朋友,我都係透過湯洛雯先至認識羅天宇,無啦啦介入,我覺得好肉酸。」羅天宇係咪佢鍾意嘅類型?陳瀅笑住話:「羅天宇係好乖嘅男仔,但佢比較慢,拍劇已經同佢夾唔到,但做朋友就ok,我反而欣賞小方,佢成日做善事,心地又好。」小方知道之後,笑謂:「佢好識講嘢。」

娛聞樂陪你走遍全球追星,即Like「娛果」FB 專頁!
BannerBanner