【慈父護家】囡囡樣貌被公開 城城:我好憤怒!

更新時間 (HKT): 2018.03.18 18:25

郭富城今日喺西九龍文化區出席聯合國兒童舉行嘅「小畫家大夢想繪畫比賽」,佢仲特登走去啲家庭睇小朋友畫畫。做咗爸爸之後,城城見到小孩都笑得好燦爛,仲同啲小朋友傾偈。

城城喺活動上呼籲希望幫到山區懷孕婦人,因為當地醫療衛生欠佳。佢希望囡囡再大啲時,可以帶同一齊出席慈善活動。城城話喺現場見小朋友畫畫,有幻想過小朋友將來點樣先成為畫家,但都要佢自然發展:「我記起小學時我畫咗幅老虎嘅畫,仲有貼堂,好有優越感。」

提到親子活動,問城城會唔會一齊唱歌跳舞?係咪有教自己招牌舞步動作?佢笑話:「有我嘅genes,遲啲相信佢自然識做。」早前城城透露目標是帶女兒去公園(新聞連結: http://bit.ly/2pneJYD ),佢話暫時未做到,亦主動表示早前有傳媒偷影女兒相感不悅:「o依家做咗爸爸,嚴正希望傳媒自律,唔想BB或者佢將來嘅樣公開,大家喺娛樂圈唇齒相依,有嘢要報道,但都想保護吓小孩,會影響小孩成長,希望大家自律同高抬貴手。」

城城表示會擔心影響女兒成長,睇得出呢個爸爸好維護家人,佢話:「仲要影我屋企,嚴格嚟講我心中好憤怒,希望自己家庭得到保護,影我冇所謂,但唔好偷影騷擾我家人。呢一刻我會有陰影,喺公園玩會擔心被影,大家放過我哋,俾佢健康成長。」

另外,有傳黎明將做父親(新聞連結: http://bit.ly/2IntNhr ),城城話有睇報道,但並唔知係咪屬實,若真有此事會恭喜對方。

娛聞樂陪你走遍全球追星,即Like「娛果」FB 專頁!
BannerBanner