【《家有一寶》】葉家寶開節目 最想請嘅嘉賓係...

更新時間 (HKT): 2018.03.19 14:54
葉家寶今日到灣仔影視博覽為創世電視節目宣傳。

葉家寶、小金子(喬媽 )、奚秀蘭今日到灣仔影視博覽為創世電視節目宣傳,喬媽正在拍攝節目《喜樂婆婆會客室》,喺節目入面佢會分享喜樂秘訣,喬媽話:「拍攝節目一啲都唔辛苦,好開心,又可以搵自己朋友,相識唔相識都一齊分享。」 奚秀蘭係嘉賓之一,佢話:「 以前我做EYT(歡樂今宵)時,個個都話我帶到喜樂俾大家 ,因為我廣東話唔掂,帶俾大家好多開心,雖然唔能夠好長篇講個喜樂秘訣畀大家聽,有四個字可以話畀大家聽,係『要同不要』。」喬媽就話現時人生太多難處,要在困難中活出喜與樂,因為人生生活唔係睇環境係睇心境。

葉家寶即將開拍一個節目《家有一寶》, 正在邀請藝人同政界人物參與,最想邀請香港特首林鄭月娥上節目,會嘗試發信去特首辦,知道對方都係天主教徒,佢都好想祝福香港,希望透過理念邀請佢聽下佢點樣祝福香港。

娛聞樂陪你走遍全球追星,即Like「娛果」FB 專頁!
BannerBanner