【好掛念】爸爸在瑞士接受安樂死 Amanda S.:過身前開大型Party

更新時間 (HKT): 2018.03.22 20:15

名模Amanda S.今晚喺淺水灣出席晚宴,穿上一條黑白色長,明顯消瘦咗好多。原來Amanda S.剛經歷傷痛,爸爸早前癌病復發,今個月初在瑞士接受安樂死。Amanda坦言最初好難接受,佢話:「爸爸喺過身前開咗個大型party,喺瑞士安樂死,之前好難接受。接受咗之後,我哋就喺過身前過咗一個好好嘅時刻,一齊旅行,講晒想講嘅嘢。」爸爸仲有冇心願?Amanda S.話:「其實我好掛住佢,不過都開心佢唔使再受苦,睇住最愛嘅人受苦好心痛。我同爸爸過咗一個美好時刻,其實自己都係幸運。」

問到男朋友Sam有冇陪住?Amanda S.話:「當然,我爸爸好鍾意佢。(有冇催佢結婚?)我爸爸係個好現代嘅男人,開心先係第一,結婚同生BB都冇所謂。」Sam開設嘅服飾及貿易公司,早前被人上公司淋紅油及貼街招追債,(相關新聞﹕ http://bit.ly/2DNYr0E ),Amanda S.話:「其實我唔可以講啲咩,唔係我嘅公司,亦都冇參與,同埋都交咗俾法律團隊處理。」

娛聞樂陪你走遍全球追星,即Like「娛果」FB 專頁!
BannerBanner