【迷人Pink Lady】黃智雯真空裝搶鏡 70歲汪阿姐唔怕有白內障

「阿姐」汪明荃噚晚同無綫藝員馬國明、黃智雯、蕭正楠等一齊出席喺紅磡舉行嘅「微博之夜」，樂易玲都有到場。

阿姐set咗個鬈曲髮加粉紅色套裝，但就被黃智雯嘅真空西裝褸搶鏡。早前羅家英爆阿姐都有白內障，阿姐話其實未check，佢話﹕「家英哥啱啱做完，睇嘢好清楚，佢仲指住我(髮令紋)話『你呢度要執一執』。」阿姐透露自己有遠視同近視，工作時要戴隱形眼鏡，但平日就唔鍾意戴，問到驚唔驚要做白內障手術？佢話﹕「唔驚，科技進步好多，自己有時間都做吓檢查先。」