【台上灑淚】自認地道香港仔 黃子華感傷:唔知點笑,大勢係悲觀!

更新時間 (HKT): 2018.03.23 22:40

2014年,男神黃子華在紅館棟篤騷撐佔中,當時他更忍不住落淚:「可能到最後我哋咩都得唔到,但係……我哋已經……已經向全世界……證明咗,我哋香港人……(停下按著自己的面,垂頭,全場鼓掌超過三十秒)係光!明!磊!落!」子華形容香港像中毒一樣,病入膏肓,被中國「標參」了,之後傳出子華被大陸封殺的消息。

2016年,子華回歸舞台,但不是開棟篤笑,而是演舞台劇——與陳法拉合演的《前度》。卸下了政治的沉重包袱,但卻揀在7.1開騷。頗堪玩味。

開騷之前,子華接受蕭若元網台節目《蕭遙遊》訪問時,也宣告未來兩年都不會再做棟篤笑。自認係地道香港仔嘅子華,慨嘆摸不清現在的香港:「唔知點笑,大勢係悲觀!」

子華謂:「我冇乜遺憾,我江郎才盡咗好多年,但江郎才盡得嚟,我仲好有興趣做多一次棟篤笑,但你放心,唔會係呢一、兩年嘅事,因為我都做唔到。

「我想釐清一樣嘢,我喺香港過咗咁多年,我係地道香港仔,依家由我認識嘅香港發展到今日香港,我點能夠說一個香港故事,或一個我自己嘅故事,而同大家棟篤笑多一次。其實好多嘢笑唔出,唔知點笑,大勢係悲觀,人類從來都係悲觀嘅,作為一個香港人,我希望嚟緊一個騷,去總括一下自己。」

蕭若元再問子華何時再做棟篤笑?當時子華笑言:「睇下我幾等錢使。」之後再謂:「依家時勢,其實講乜都有人鬧你,讚唔讚你都唔重要,香港好慘嘅地方係,藝壇有周潤發,而政壇係冇周潤發、冇劉德華嘅人物。依家有一個思潮係,大家乜都唔要,唔要黃子華扮嘢,我唔會話呢樣嘢啱定錯,但係香港未來點走呢?我要摸得好準去講一個故事。

「度電影可以同人哋一齊度,但係度棟篤笑,係好個人嘅嘢。幽默感係好個人嘅。咁多年嘅滿足感,得到某些香港人嘅友誼,容許你講笑話,唔係人人行上台都可以講笑話,尤其是亞洲人、中國人,好多時係階級嘢,大佬講笑話唔好笑(照拍手),話『蕭生好嘢!』中國人唔易接受人哋講笑話,所以我有呢個任務,如果大家接受,我點都要講多次。我最近7月會做一個舞台劇,棟篤笑我呢一、兩年都未曾把握到。」

對於係唔係確實只演最後一次,子華說:「我唔夠膽講,我起碼會做多一次。」

一語成讖。

娛聞樂陪你走遍全球追星,即Like「娛果」FB 專頁!
BannerBanner