【今日做人妻】崔智友為結婚唔接拍新劇?

更新時間 (HKT): 2018.03.29 20:00

被封為韓劇「催淚天后」嘅42歲女星崔智友,今日突然被爆低調嫁拍拖1年嘅圈外男友,震驚演藝圈。友姐去年尾拍完tvN特備劇《世上最美麗的離別》後就未有新作,不過韓劇《大力女子都奉順》嘅白美瓊編劇今日出席新劇發佈會時,就爆響口友姐疑似因為結婚而唔接拍新劇,引起熱議。

白美瓊編劇執筆嘅新劇《我們遇見的奇蹟》,今日舉行發佈會,劇集一眾主演如金明民、金賢珠及羅美蘭都有現身谷劇。白美瓊編劇提到女主角「宣惠珍」一角嘅第一人選並非金賢珠,而係今日爆婚訊嘅崔智友,不過白美瓊編劇就指:「當時崔智友以私人理由婉拒接拍,直到今日爆出結婚消息,我諗應該(與婚訊)有關。」

娛聞樂陪你走遍全球追星,即Like「娛果」FB 專頁!
BannerBanner