【今日做人妻】友姐緋聞多籮籮 曾撬喬妹牆腳?

更新時間 (HKT): 2018.03.29 12:43

今日韓國方面傳來喜訊,曾出演經典韓劇《冬日戀歌》、《天國的階梯》等劇集嘅42歲女星崔智友,佢喺《冬日戀歌》及《天國的階梯》中雖然都係悲劇收場,但喺現實中就終於覓得真命天子。

事實上,友姐出道24年,曾出演過多齣劇集及電影,而佢亦曾多次與合作男星傳出緋聞,當中佢曾指介入宋慧喬及李秉憲嘅戀情,當時喬妹同李秉憲熱戀中,但根據日本雜誌《女性自身》報道,友姐當時介入喬妹及李秉憲嘅戀情,令到兩人最終分手。

友姐亦曾同《冬日戀歌》嘅男主角裴勇俊擦出愛火,而友姐同同期出道嘅宋承憲亦曾拍拖,兩人拍拖三年因性格不合而分手,不過兩人從未公開戀情。2014年友姐出演綜藝節目《一日三餐》時,亦有同李瑞鎮傳出緋聞。

不過友姐唯一一段公開嘅戀情,就喺同李鎮旭嘅一段情,兩人於2007年時合作《Air City》而撻着,並於2009年承認戀情,到2011年初宣佈分手。

娛聞樂陪你走遍全球追星,即Like「娛果」FB 專頁!
BannerBanner