【四大探長歸位】許冠文坐陣演ICAC調查主任 城城 偉仔拍住做探長

更新時間 (HKT): 2018.03.30 16:25

由翁子光執導,集兩位影帝梁朝偉、郭富城聯同周文健、譚耀文演出嘅電影《風再起時》,早前公佈各人嘅探長造型。梁朝偉由《阿飛正傳》嘅飛仔,演到反飛探長南江、郭富城由做雷洛嘅仔,做到佢本人都幾夠戲劇性。當然周文健嘅韓森同譚耀文演嘅顏洪,都係獨當一面嘅造型。

導演翁子光話除咗偉仔同城城兩位影帝之外,仲有許冠文呢位影帝坐陣,佢話:「梁朝偉絕對是代表香港電影最有光環、最美好的一代,他的表演魅力也來自於他的人格魅力。他願意接拍《風再起時》也是因為他對香港電影的感情,他是很重感情、很敏感細膩的人。我們請了許冠文演出也是這個原因,他的存在對香港人來說是具有特殊意義的,他在戲中有一個長達五分鐘的英語對白 solo 表演鏡頭,相信大家也會像我一樣看得如癡如醉,希望這會寫下影史,起碼留下了一個我作為影迷的紀念。」戲入面許冠文飾演廉署調查主任,冒住生命危險追查4大探長嘅貪污證據。

而偉仔同城城喺警局對峙嘅戲份,就好有《寒戰》城城同梁家輝對罵嘅張力。

娛聞樂陪你走遍全球追星,即Like「娛果」FB 專頁!
BannerBanner