【昨低調嫁人】崔智友婚禮謝絕贊助禮金 微博報喜：謝謝大家的祝福

友姐憑《天國的階梯》打開海外知名度，喺日本、大陸都好有人氣，友姐亦曾拍攝大陸劇《第101次求婚》及《城市戀人》。對於友姐噚日爆婚訊，中、日兩地嘅媒體同樣大感驚訝，大陸粉絲亦紛紛湧到友姐嘅微博留言祝賀。雖然友姐噚晚先公開婚照，不過其實佢昨午5點半左右已經喺微博發文，以中文寫道「謝謝大家的祝福」感謝粉絲。

另外，今日韓媒報道友姐婚禮僅只邀請家人、親戚及相熟朋友人等約100名賓客到首爾某酒店出席婚禮，而友姐亦親力親為，謝絕贊助，無論婚紗到場地都一手包辦，亦未有收取禮金。據知新郎哥樣貌英俊，同友姐十分合襯。