【清空腦袋】平時發呆俾人鬧 鄧月平:今次可以盡情發呆

更新時間 (HKT): 2018.03.31 15:38
攝影:曹家誠

方力申(Alex)同鄧月平今日現身中環摩天輪,出席《第六屆國際發呆比賽 香港站》,作為香港站發起人嘅Alex,就話今次自己負責幫手執頭執尾冇份比賽。講番今次比賽小方表示:「喺1000位參加者入面揀出80位參賽,年紀最大有61歲,最細嘅得4歲,平均年紀都有廿零歲,我喺門口見到好多參賽者未比賽前已經入晒戲,呆住咁排隊入場。」

小方話今次活動今次比賽嘅目標係希望大家 可以趁機會,將腦袋放空舒緩精神壓力:「城市人工作壓力好大,好似我平時都成日要望住電話,趁呢個機會放空吓對自己身體有好處。」 佢透露今次香港係首屆舉辦,嚟緊出年會繼續舉行,咁出年小方會唔會參賽?佢話:「未知呀,我諗我有啲難,你要我90分鐘唔講嘢都好難,叫我咩都唔做應該唔得。」

另外,有份參賽嘅鄧月平今日仲準備埋太陽遮,佢話平時返工返學發呆會俾人鬧,今次可以盡情發呆,鄧月平又話:「其實自己一陣間要去錄歌,嚟緊都要拍戲,可以趁今次發呆嘅機會諗吓劇本同首歌點錄,雖然我外表發呆,但係個腦一樣可以諗嘢。」

娛聞樂陪你走遍全球追星,即Like「娛果」FB 專頁!
BannerBanner