【哥哥‧15年】哥哥「OK」手勢再現文華 唐鶴德:知心惟有月

更新時間 (HKT): 2018.03.31 23:19

聽日係哥哥張國榮逝世15周年嘅日子,一如以往,哥迷們都會喺中環文華酒店旁擺放花牌,以示思念。

除咗香港嘅哥迷,來自馬來西亞、美國、大陸等地嘅粉絲都有送上花圈。當中以紅色玫瑰花砌成嘅巨型立體高跟鞋最搶眼,仲有以鮮花砌成嘅紅色紙鶴、心心、「LESLIE」同埋數字「15」。

晚上近7時,到場悼念嘅哥迷依然不絕,短短嘅花海擠滿了人,途人亦紛紛拍照留念。

其中一個喺哥迷心中代表住哥哥同男友唐鶴德嘅OK手勢花牌下,更寫有「中上環之旅」,歡迎哥迷去上環尋找OK手勢,邊走邊懷緬哥哥嘅一生。

晚上11時15分,唐鶴德於IG貼上一張月亮相片並寫道:「知心惟有月」。

娛聞樂陪你走遍全球追星,即Like「娛果」FB 專頁!
BannerBanner