【入重慶大廈探險】鍾情《重慶森林》 西野七瀨中環踎電梯扮王菲

更新時間 (HKT): 2018.04.01 13:25
乃木坂46早前來港出席音樂會順便拍節目。

日本人氣組合乃木坂46早前派出多位成員來港出席I LOVE ANISONG音樂會,眾成員趁此行到港九各地取景拍攝「乃木坂46 meets Asia!~Hong Kong ver.~」,而呢個節目昨日終在當地MUSIC ON! TV首播。

衛藤美彩同星野南分別到旺角及中環體驗香港文化,衛藤美彩行女人街學廣東話講「你好」,點知佢傻更更竟同一個老外遊客講:「你好!」而星野南就到文武廟學拜神。

乃木坂嘅人氣成員西野七瀨原來對王家衛電影《重慶森林》情有獨鍾,所以佢同埋隊友高山一實走入重慶大廈探險,二人仲行孖咇遊覽中環,從蘭桂坊便利店到半山自動扶手電梯,一於感受片中嘅經典場面,西野七瀨學王菲踎電梯裝梁朝偉,但就被佢同高山一實發現人家正在開飯,之後又到鏽記食燒鵝,今次香港之行夠晒地道。

娛聞樂陪你走遍全球追星,即Like「娛果」FB 專頁!
BannerBanner