【三姜結婚】郭富城拖老婆驚喜現身 被瘋狂集郵

更新時間 (HKT): 2018.04.03 12:32

舞獅界紅人「三姜」姜偉池與拍拖多年女友、藝人化妝師田田噚晚喺九展舉行婚宴。一對新人同唔少圈中人相熟,連天王郭富城、小美都俾面到賀,城城仲拖實太太方媛一同現身。據悉城城喺場內成為好多人嘅集郵對象,前有線主播王曉君都係ig貼與城城合照,留言﹕「「JT婚宴上嘅驚喜,打攪晒。」JW都有影合照,而其他賓客亦有趨前要求合照,城城亦有求必應,但就未見城嫂方媛上鏡。

同場仲有杜汶澤、麥子樂、張建聲、王宗堯等,而關楚耀、陳山聰、黃浩然等與三姜私交甚篤,仲做埋兄弟,三姜同太太仲斟茶俾黃浩然同太太KaKa(莫家嘉)飲,KaKa激動留言﹕「我細佬終於出嫁啦!冇想過我會咁激動,未飲茶就已經眼都紅哂,飲茶手都震埋,連我最熟行幫帶首飾都震到扣唔到!老實講,真係好感動,你兩個要永遠幸福快樂美滿健康。Love U two so much!!! 家姐的心聲。」

一對新人將婚宴場地佈置如舞獅搭棚般,而一班姊妹更反傳統穿上黑色晚裝,紅襯黑,真係型到爆!而席上JW同關楚耀等亦有上台唱歌贈慶,非常熱鬧。

娛聞樂陪你走遍全球追星,即Like「娛果」FB 專頁!
BannerBanner