【韓流】患癌甘宇成想安樂死 霸氣激咀金宣兒

更新時間 (HKT): 2018.04.04 19:00

由韓劇《我係金三珣》女星金宣兒夥拍甘宇成主演嘅SBS劇集《能先接吻嗎》,噚晚播出第27、28集,本月底將迎來大結局,而港劇迷可於Viu同步追看。

劇情承接上集,甘宇成得知金宣兒已經知道佢就係當年唔肯為佢女兒死亡案件作證嘅人,但甘宇成就扮唔知,並決定安樂死,並親自飛到瑞士詢問有關詳情。金宣兒知道甘宇成會飛到瑞士,但並不知詳情,只以為佢要到當地接受廣告界嘅頒獎事宜。甘宇成去到瑞士詢問安樂死,但醫生告知佢即使佢想安樂死,但最後只有3%嘅人才可以安排安樂死。

甘宇成想安樂死係因為想有尊嚴地度過餘生,佢同金宣兒喺電話內講:「回家後我打算拋掉良心,我會更自私地對你,我會隨心所欲為所欲為,不徘徊不猶豫。」回國後,甘宇成送上朱古力及手錶畀金宣兒,並說:「希望你能好好生活唔好停下來,從現在開始,不要像我這樣,喺自己嘅人生中忽略咗自己。」

金宣兒偷睇甘宇成嘅行李,發現咗佢去過療養院嘅資料,甘宇成見到突然激咀金宣兒,令金宣兒大感愕然。鏡頭一轉,喺二人晚餐時,二人想起過去平淡而快樂嘅回憶...

娛聞樂陪你走遍全球追星,即Like「娛果」FB 專頁!
BannerBanner