【國籍係咩?】劉燁領法國尼斯「榮譽市民」 酸民:當個中國人不好嗎?

更新時間 (HKT): 2018.04.07 12:03

大陸演員劉燁09年同法國籍、擁有猶太人血統妻子安娜結婚,生咗對好可愛嘅寶貝兒女。劉燁不時分享下教育心得,例如話,堅持要小朋友講普通話、學中國文化咁。

劉燁,係愛國的,應該,係啩。早前佢喺主旋律電影《建軍大業》飾演毛澤東,夠晒「紅」。

話分兩頭,去年劉燁獲法國尼斯市政委員會頒發「榮譽市民」稱號,議會主席仲表揚劉燁夫婦可以增進尼斯與中國嘅友誼、旅遊、文化交流。劉燁一家四口仲應邀參加尼斯狂歡節。

今日就有大陸傳媒報道,指日前劉燁出席尼斯「榮譽市民」頒授儀式,而呢個法國尼斯「榮譽市民」全球只有32人獲得,劉燁係第33個。報道寫住:「同時也是第一個獲此殊榮的中國人。」尼斯副市長Rudy Salles就形容劉燁獲此榮譽,可以增進尼斯同中國之間嘅友誼;尼斯市長Christian Estrosi仲話好感謝劉燁對尼斯嘅貢獻。

好喇,劉燁獲正式頒授法國尼斯「榮譽市民」這則報道,今早喺大陸各大網媒廣傳啦,content farm耕種法一式一樣copy & paste。有網民話劉燁個谷氣表情好好笑,但其實,網民留言都好有「營養」,有啲甚至睇到人心寒。

咁當然,留言當中不少係劉燁fans,心心眼恭喜社長嘅。至於海量留言當中曲直,自行判斷,例如嗰句「可以選總統喇」就擺明係幽默,但有啲真係睇到笑唔出。

娛聞樂陪你走遍全球追星,即Like「娛果」FB 專頁!
BannerBanner