【掟狗落街】香港生活壓力大 宣萱:演變成傷害動物

更新時間 (HKT): 2018.04.07 18:03
愛狗之人宣萱聽到有人掟狗落街個心好唔舒服。

宣萱今日到荃灣出席「單手掌上壓挑戰閉幕禮」,活動除見證300人紀律部隊締造單手掌上壓1分鐘嘅健力士世界紀錄外,同場還呼籲籌款幫助被遺棄動物。宣萱表示,活動後就要飛橫掂拍大陸劇《聽雪樓》,之後就會等古天樂開戲同拍《尋秦記》,7月可以放吓假,約埋方中信同鮑起靜等去歐洲shopping。

提到最近有人掟狗落街,愛狗之人宣萱聽到都唔舒服,佢話:「呢個應該係社會問題,香港環境太細,生活壓力太大,唔可以傷害人就演變成傷害動物,嗰殺那控制唔到,政府要關注精神病患者。」講到地方細,宣萱仲話行過地產見到樓價都驚驚!佢話:「價樓咁貴,點生活呢?政府係咪可以再幫到啲呢?雖然辣招已經阻止咗我再去買樓,起多啲樓係咪好方法?都係交畀政府。」

娛聞樂陪你走遍全球追星,即Like「娛果」FB 專頁!
BannerBanner