【排隊做契爺】周柏豪質疑陳柏宇造人能力 唔信榮升周叔叔

更新時間 (HKT): 2018.04.08 17:31

關楚耀、林奕匡、吳業坤、許廷鏗、鄭世豪、王灝兒同周柏豪等人今日喺香港仔出席「飢饉30」,噚日陳柏宇(Jason)宣佈太太符曉薇懷孕(新聞連結: https://bit.ly/2Jt1qyQ ),一眾老友知道呢個消息都戥Jason開心,林奕匡好感觸話:「因為佢哋第一次拍拖就同我打羽毛球,見證住佢哋由約會到o依家生小朋友,結婚嗰陣已經馬上計劃。」至於會否同BB上契?佢話唔識呢啲,希望阿嫂健康:「叫佢努力賺錢,賺多啲奶粉錢。」佢仲話太太有問過係咪真係唔造(人)住,但係同太太有共識,唔心急。

關楚耀得知消息覺得驚訝:「見佢咁快手,真係好嘢,冇諗過佢咁快,以為佢哋想過吓二人世界,佢啱有小朋友,會係好爸爸,所有朋友佢都好照顧,而且又樂天,可以話係新一代樂壇笑彈,遇到乜事都一笑置之。」

周柏豪就笑老友係快槍手,最初聽到時有啲懷疑,即刻私下問,佢話:「佢即答我Yeah,我同佢一齊大,o依家我榮升叔叔,今年好多朋友有喜。」當日陳柏宇去林奕匡婚禮話自己有機會最快做爸爸,周柏豪懷疑老友一早知自己係黑馬。

跟住問幾時輪到周柏豪?佢話自己已經有計劃,有「造人」嘅時間表,唔知佢到時成功造人嘅話,會唔會同婚禮一樣玩低調?佢話:「呢個年代就難啲,忍係辛苦,但講咗唔覺舒服啲,唔想用呢啲事做自己賣點。」

娛聞樂陪你走遍全球追星,即Like「娛果」FB 專頁!
BannerBanner